Konkurs për përkrahje financiare të punimeve shkencore.
16 Janar 2023Të nderuar kolegë,
Oda e Farmacistave të Kosovës në vazhdën e aktiviteteve të saj, duke u bazuar në dispozitat e Rregullores për Edukimin e Vazhdueshëm Profesional në lidhje me përkrahjen, zhvillimin e kapaciteteve shkencore vendore me qëllim të stimulimit si dhe promovimit të shkencës të realizuar në vendin tonë që është vlerësuar dhe botuar në revistat prestigjioze kredibile me impakt ndërkombëtar, me vendim të këshillit drejtues dhe vendim të komisionit për përzgjedhje të punimeve shpall, konkurs për përkrahje financiare të punimeve shkencore.
Të gjithë ata që kanë publikuar punime gjatë vitit 2022 i ftojmë për aplikim!
Formulari per aplikim mund te shkarkohet duke klikuar KETU
KONKURS
(PËR PËRKRAHJE FINANCIARE TË PUNIMEVE SHKENCORE ME TE MIRA 2022)
Oda e Farmacistëve të Kosovës i bënë thirrje farmacistëve kosovarë të konkurrojnë për përfitimin e granteve shkencore për punimet e publikuara përgjatë vitit 2022. Pesë punimet e vlerësuara sipas kritereve të poshtëshënuara do të përfitojnë shumën në vlerë
- Punimi I – 700 Euro
- Punimi II – 500 Euro
- Punimi III – 350 Euro
- Punimi IV – 250 Euro
- Punimi V – 200 Euro
Kriteret obligative të pranimit janë:
-Farmacisti duhet të jetë anëtar i Odës së Farmacistëve të Kosovës
-Farmacisti duhet të jetë autor i parë i punimit shkencor ose autor korrespondent (vetëm njëri nga këta dy autorë mund të shfrytrëzojn punimin e njejtë për aplikim në këtë konkurs)
-Periudha kohore e publikimit të punimit në revistë shkencore duhet të jetë përgjatë vitit 2022
– Aplikuesit të cilët kanë përfituar përkrahje financiare për publikimet e vlerësuara gjatë vitit 2022, i nënshtrohen procesit të vlerësimit dhe kualifikimit të punimit të tyre por të njejtit nuk përfitojnë përkrahje financiare pavarësisht vlerësimit të punimit. Vetëm ata aplikues të cilët nuk kanë përfituar në konkursin paraprak gjatë vitit 2021përfitojnë nga përkrahja financiare.
Kriteret selektive të pranimit llogariten me pikët si vijon:
- Origjina e punimit
- Institucioni primar dhe gjenerimi i punimit në nivel vendit (Kosovë), së bashku me autorin korrespondues Kosovar vlerësohet me (7 pikë) [duke bazuar në paragrafin e parë më stimulimin dhe promovimin e shkencës në Instutucionet relevante kërkimore në Kosovë]
- Institucioni primar dhe gjenerimi i punimit në nivel vendit (Kosovë), por me autor korrespondues jashtë vendit vlerësohet me (5 pikë)
- Institucioni primar dhe gjenerimi i punimit jashtë vendit (Kosovës), së bashku me autorin korrespondent jashtë vendit vlerësohet me (3 pikë)
- Lloji i punimit:
- Original Research Article – 7 pikë
- Meta-Analysis/ Systematic Review –5 pikë
- Review Articles (other) – 4 pikë
- Case Reports dhe (Correspodence, Letter to the Editor, Short Communication, Short Report, Commentary) – 2 pikë
- Botuar vetëm në revistat e indeksuara në Web of Science ose Scopus– Pikët sipas Impakt Faktorit aktual të revistës.
Mënyra e vlerësimit:
Totali i pikëve do të llogaritet përmes grumbullimit të pikëve totale sipas kriterve obligative dhe selektive të lartë përmendura.
Koment shtesë:
Nëse në fund të listës së kandidatëve të përzgjedhur rezulton më tepër se një kandidat me pikë të njejta, atëherë shuma e dedikuar ndahet në përpjestim të barabartë me numrin e kandidatëve.
-Një kandidat ka të drejtë aplikimi vetëm me një punim.
Për të aplikuar, të interesuarit duhet të dërgojnë (I). Formularin për aplikim (e gjeni të bashkangjitur) dhe (II). Punimin me të cilin aplikon. Dokumentet mund të dërgohen pëmes email adresës zyrtare të Odës: info@ofk-rks.net duke shënuar në subjekt (subject) që jeni duke ju përgjigjur konkursit publik për përkahje financiare të punimit shkencor. Të njejtat mund t’i dërgoni në kopje fizike pranë zyreve të OFK-së
Afati për konkurim është i hapur nga data: 16.01.2023 deri me date 22.01.2023 në ora 16:00.
Për sqarime dhe pyetje në lidhje me konkurimin ju lutëm drejtohuni pranë zyrës së OFK-së nëpërmjet email adresës info@ofk-rks.net apo numrin kontaktues 048-572-222
