HAPET GARA ZGJEDHORE PËR KUVENDIN E OFK-SË – KQZ FTON ANËTARËT TË KANDIDOJNË

Komisioni Qendror i Zgjedhjeve i Odës së Farmacistëve të Kosovës, në mbledhjen e mbajtur më 30.04.2026, ka marrë vendim për hapjen e garës zgjedhore për anëtarë të Kuvendit të OFK-së.

Periudha e kandidimit do të jetë nga data 04 maj deri më 14 maj 2026, në orarin 08:30 – 15:00, me dorëzim fizik të dokumentacionit në zyrat e OFK-së.

Dokumentet e nevojshme për kandidim janë:

1. Formulari i plotësuar i kandidimit, i cili do të jetë i qasshëm në ueb-faqen zyrtare të OFK-së nga dita e hënë;
2. Certifikata mbi dënimet penale, e lëshuar përmes platformës e-Kosova;
3. Vërtetimi etik nuk kërkohet, pasi KQZ është njoftuar zyrtarisht se nuk ka masa të tilla të shqiptuara.

KQZ ka certifikuar listat përfundimtare të njësive zgjedhore:

• Lista e njësisë zgjedhore në Prishtinë;
• Lista e njësisë zgjedhore në Mitrovicë;
• Lista e njësisë zgjedhore në Pejë;
• Lista e njësisë zgjedhore në Prizren;
• Lista e njësisë zgjedhore në Ferizaj;
• Lista e njësisë zgjedhore në Gjilan;
• Lista e njësisë zgjedhore në Gjakovë.
• Lista e përgjithshme e anëtarëve me të drejtë vote

KQZ po ashtu ka nxjerrë këto vendime:

• Vendimin për hapjen e garës zgjedhore dhe kriteret e kandidimit;
• Vendimin për miratimin e formularit të kandidimit;
• Vendimin për miratimin e rregullave të sjelljes zgjedhore gjatë periudhës zgjedhore.

KQZ inkurajon të gjithë anëtarët e OFK-së që ta ushtrojnë të drejtën e tyre për të kandiduar për anëtarë të Kuvendit të OFK-së.