Hapet Procesi Zgjedhor: Formulari, Listat dhe Kriteret për Kandidim në Kuvendin e OFK-së

Në kuadër të zgjedhjeve për anëtarë të Kuvendit të OFK-së për legjislaturën e IV-të, Komisioni Qendror i Zgjedhjeve ka publikuar formularin zyrtar për kandidim.

Afati për aplikim është nga data 04 Maj deri me 14 Maj, nga ora 08:30 – 15:00. Aplikacioni dorezohet fizikisht ne zyret e OFK-së.

Formulari është i domosdoshëm për kandidaturë dhe nuk pranohet asnjë formë tjetër aplikimi.

Formularin mund ta gjeni KETU

Komisioni Qendror i Zgjedhjeve po ashtu ka miratuar kriteret për kandidim dhe dokumentacionin përkatës që duhet të dorëzohet nga kandidatët.

Kandidati/ja për anëtar/e të Kuvendit të OFK-së duhet të plotësojë këto kushte:

1. Të jetë në listën votuese të certifikuar nga KQZ në njësinë ku kandidon;
2. Të ketë mbështetjen e së paku pesë (5) anëtarëve të njësisë përkatëse;
   • Një anëtar/e mund të mbështesë vetëm një (1) kandidat/e për Kuvend;
   • Kandidati/ja nuk mund ta nënshkruajë mbështetjen për kandidaturën e tij/saj;
3. Të mos jetë i/e dënuar me aktgjykim të formës së prerë për vepra penale që lidhen me keqpërdorimin e detyrës zyrtare apo kundër shëndetit publik;
4. Të mos i jetë shqiptuar masa e tërheqjes së licencës për tre (3) apo më shumë vite gjatë pesë (5) viteve të fundit;
5. Të mos jetë anëtar/e i/e KQZ-së apo KNJZ-së;
6. Të mos ketë ushtruar dy mandate të njëpasnjëshme në Kuvendin e OFK-së.

Dokumentet e nevojshme për kandidim janë:

1. Formulari i plotësuar i kandidimit, i cili merret në ueb-faqen zyrtare të OFK-së;
2. Certifikata mbi dënimet penale, e lëshuar përmes platformës e-Kosova;
3. Vërtetimi etik nuk kërkohet, pasi KQZ është njoftuar zyrtarisht se nuk ka masa të tilla të shqiptuara.

Vendimin mbi kriteret e gjeni KETU

Komisioni Qendror i Zgjedhjeve po ashtu ka certifikuar listën votuese për zgjedhjet për anëtarë të Kuvendit të OFK-së për legjislaturën e IV-të.

Vendimin për certifikimin e listës votuese e gjeni të bashkangjitur.

Listat zgjedhore

Listat e certifikuara sipas njësive zgjedhore i gjeni më poshtë:

1. Lista e Njësisë Zgjedhore – Regjioni Prishtinë
2. Lista e Njësisë Zgjedhore – Regjioni Mitrovicë
3. Lista e Njësisë Zgjedhore – Regjioni Pejë
4. Lista e Njësisë Zgjedhore – Regjioni Prizren
5. Lista e Njësisë Zgjedhore – Regjioni Ferizaj
6. Lista e Njësisë Zgjedhore – Regjioni Gjilan
7. Lista e Njësisë Zgjedhore – Regjioni Gjakovë

Komisioni Qendror i Zgjedhjeve i OFK-së inkurajon të gjithë anëtarët që ta ngrisin zërin e tyre përmes votës dhe të bëhen pjesë aktive e procesit zgjedhor.

Pjesëmarrja juaj është kyçe për një përfaqësim të drejtë dhe për të ardhmen e profesionit tonë